കൊണ്ടോട്ടി: സംസ്ഥാന ഹജ്ജ് കമ്മിറ്റി മുഖേന ഹജ്ജ് നിര്വഹിക്കുന്നതിന് അപേക്ഷാഫോമുകള് ശനിയാഴ്ച മുതല് സ്വീകരിക്കും. പൂരിപ്പിച്ച അപേക്ഷകള് കരിപ്പൂര് ഹജ്ജ് ഹൗസില് നേരിട്ടും രജിസ്ട്രേഡ് തപാല്, കൊറിയര്, സ്പീഡ്പോസ്റ്റ് വഴിയും സ്വീകരിക്കും.
അപേക്ഷയോടൊപ്പം ബന്ധപ്പെട്ട രേഖകളും എസ്.ബി.ഐ ശാഖയില് 300 രൂപ നിര്ദിഷ്ട പേ-ഇന് സ്ലിപ്പ് ഉപയോഗിച്ച് അടച്ചതിന്റെ രേഖയും ഉള്പ്പെടുത്തണം. മാര്ച്ച് 15 വരെ അപേക്ഷകള് സ്വീകരിക്കും.





