.jpg)
ദുബൈ : തെന്നിന്ത്യയിലെ പ്രഥമ ഇസ്ലാമിക സര്വകലാശാലയായ ദാറുല് ഹുദാ ഇസ്ലാമിക് യൂനിവേഴ്സിറ്റിയുടെ ബിരുദദാന മഹാ സമ്മേളനം ഫെബ്രുവരി 21 മുതല് ചെമ്മാട് ഹിദായ നഗറില് നടക്കും. പന്ത്രണ്ട് വര്ഷത്തെ ദാറുല്ഹുദാ കോഴ്സ് പൂര്ത്തിയാക്കിയ 460 യുവപണ്ഡിതരാണ് ഈ വര്ഷം ബിരുദം വാങ്ങുന്നത്. സമ്മേളന പ്രചരണാര്ത്ഥം ദാറുല് ഹുദാ ഇസ്ലാമിക് യുനിവേഴ്സിറ്റി ദുബൈ കമ്മിറ്റി സംഘടിപ്പിക്കുന്ന സൗഹൃദ സംഗമം അല്ബറാഹ കെഎംസിസി ഓഡിറ്റോറിയത്തില് ദുബൈ സുന്നി സെന്റ്ര് വൈസ് പ്രസിഡന്റ് ഉസ്താദ് അബ്ദുസ്സലാം ബാഖവി ഉത്ഘാടനം ചെയ്തു.
പരിപാടിയില് പ്രബോധന വീഥിയില് വഴിയില് ദാറുല് ഹുദാ എന്ന വിഷയത്തില് ദാറുല് ഹുദ വി.സി ഡോ. ബഹാഉദ്ദീന് മുഹമ്മദ് നദ്വിയും പാരമ്പര്യ ഇസ്ലാമിന്റെ ആധുനിക വായന എന്ന വിഷയത്തില് മലയാളം യൂണിവേഴ്സിറ്റി പ്രൊഫ. ഡോ. സുബൈര് ഹുദവി ചേകനൂര് എന്നിവര് പ്രഭാഷണം നടത്തി.
ദുബൈ കെ.എം.സി.സി പ്രസിഡന്റ് അന് വര് നഹ, ദുബൈ ദാറുല് ഹുദാ കമ്മിറ്റി അംഗം യാഹു മോന് ഹാജി, ഷൗക്കത്ത് ഹുദവി എന്നിവര് പങ്കെടുത്തു. സെക്രെട്ടറി ഷറഫുദ്ദീന് ഹുദ വി സ്വാഗതം പറഞ്ഞു
.jpg)
