റാസല് ഖൈമ : കലാ പ്രതിഭകളുടെ സര്ഗവാസനകള് വിരുന്നൊരുക്കിയ എസ്.കെ.എസ്.എസ്.എഫ് യു.എ.ഇ നാഷണല് കമ്മിറ്റി റാസല് ഖൈമ സ്കോളാര് ഇന്ത്യന് സ്കൂളില് സംഘടിപ്പിച്ച സര്ഗലയത്തില് 79 പോയിന്റ് നേടി ദുബൈ ഒന്നാം സ്ഥാനം നിലനിര്ത്തി.
9 സോണുകളില് നിന്നും 400 ഓളം കലാകാരന്മാര് പങ്കെടുത്ത സര്ഗലയം കലാപ്രകടനങ്ങള് കൊണ്ടും മികവുറ്റ സംഘാടനം കൊണ്ടും ശ്രദ്ദേയമായി. 5 വേദികളിലാണ് മത്സരങ്ങള് നടന്നത്. 64 പോയിന്റ് നേടി അല് ഐനും 62 പോയന്റ് നേടി അബുദാബിയും രണ്ടും മൂന്നും സ്ഥാനങ്ങള് നേടി.
ഹാഫിള് സിനാന് നൂറുള്ള അബുദാബി സബ് ജൂനിയര് വിഭാഗത്തിലും , ജാബിര് മുഹമ്മദലി ഫുജൈറ, അനസ് മുഹമ്മദ് അല് ഐന് എന്നിവര് ജൂനിയര് വിഭാഗത്തിലും , ബഷീര് .പി.പി റാസ് അല് ഖൈമ സീനിയര് വിഭാഗത്തിലും കലാപ്രതിഭകളായി.
സമാപ്പന സമ്മേളനത്തില് ദുബൈ സുന്നി സെന്റര് വൈസ് പ്രസിഡന്റ് ഉസ്താദ് അബ്ദുസ്സലാം ബാഖവി മുഖ്യ പ്രഭാഷണം നടത്തി. സ്കോളാര് സ്കൂള് എം.ഡി ഹബീബ് റഹ്മാന് ഓവറോളും ഹംസ ഹാജി മൂന്നിയൂര് റണ്ണര് ട്രോഫിയും വിതരണം നടത്തി. സയ്യിദ് ശുഹൈബ് തങ്ങള് സ്വാഗതവും ഷാക്കിര് ഹുദവി നന്ദിയും പറഞ്ഞു.
.jpg)
