മനാമ: സമസ്ത കേരള സുന്നി ജമാഅത്ത് ബഹ്റൈന് കേന്ദ്ര കമ്മറ്റിക്കൂ കീഴില് മനാമ സമസ്ത മദ്റസ കേന്ദ്രീകരിച്ച് പ്രവര്ത്തിക്കുന്ന മുതിര്ന്നവര്ക്കുള്ള ഖുര്ആന് ആശയ–പാരായണ പരിശീലന വേദിയായ ഖുര്ആന് സ്റ്റഡിസെന്ററിന്റെ പ്രഥമ വാര്ഷികവും ഖുര്ആന് ഖത്തം ദുആ സമ്മേളനവും ഇന്ന് (ബുധന്) രാത്രി 9.30ന് മനാമയില് നടക്കുമെന്ന് ബന്ധപ്പെട്ടവര് അറിയിച്ചു. മനാമ ഗോള്ഡ് സിറ്റിക്കു സമീപമുള്ള സമസ്ത മദ്റസാ ഹാളില് നടക്കുന്ന പരിപാടിയില് ഈ വര്ഷം ഖുര്ആന്, ഹിഫ്ള്, തജ്വീദ് കോഴ്സുകള് പൂര്ത്തിയാക്കിയവര്ക്കുള്ള അവാര്ഡ് ദാനവും സാഹിത്യസമാജത്തില് നിന്നും തിരഞ്ഞെടുക്കപ്പെട്ടവര് അവതരിപ്പിക്കുന്ന കലാ വിരുന്നും ഉണ്ടായിരിക്കും.
ചടങ്ങ് സമസ്ത ബഹ്റൈന് പ്രസിഡന്റ് സയ്യിദ് ഫഖ്റുദ്ധീന് കോയ തങ്ങള് ഉദ്ഘാടനം ചെയ്യും. കോ–ഓര്ഡിനേറ്റര് ഉസ്താദ് മൂസ മൌലവി വണ്ടൂര് അദ്ധ്യക്ഷത വഹിക്കും. ഉസ്താദ് ഹംസ അന്വരി മോളൂര്, ശൌക്കത്തലി ഫൈസി, എസ്.എം അബ്ദുല് വാഹിദ് എന്നിവര് സംബന്ധിക്കും. നേരത്തെ വിശുദ്ധ ഖുര്ആന് പാരായണം ചെയ്തു പൂര്ത്തീകരിച്ചതിന്റെ ഖത്മുല് ഖുര്ആന് പ്രാര്ത്ഥനാ സദസ്സും നടക്കും.
.jpg)
