മുസ്ലിം വിദ്യാഭ്യാസരീതികള് കാലോചിതമായി പരിഷ്കരിക്കുക: ദാറുല് ഹുദാ സെമിനാര്
ന്യൂഡല്ഹി : ഇന്ത്യയിലെ ഇസ്ലാമിക വിദ്യാഭ്യാസ സംവിധാനം വിവിധ പഠന ശാഖകളെ കൂടി ഉള്കൊള്ളുന്നതാകണമെന്നും വിദ്യാഭ്യാസത്തെ മതഭൗതികമായി വേര്തിരിച്ചു കാണേണ്ടതില്ലെന്നും ദാറുല് ഹുദ ദേശീയ സെമിനാര് അഭിപ്രയപ്പെട്ടു. ദാറുല് ഹുദാ ഇസ്ലാമിക് യൂണിവേഴ്സിറ്റി സില്വര് ജൂബിലി ആഘോഷത്തിന്റെ ഭാഗമായി ഇന്ത്യാ ഇസ്ലാമിക് കള്ച്ചറല് സെന്ററില് ഹാദിയ ഡല്ഹി ചാപ്റ്ററാണ് ദേശീയ സെമിനാര് സംഘടിപ്പിച്ചത്.
മുസ്ലിം വിദ്യാഭ്യാസ സംവിധാനം സര്വ കലകളെയും ഉള്കൊള്ളിക്കുന്ന രീതിയില് പരിഷ്കരിക്കേണ്ടതുണ്ട്. ഏതു രീതിയിലുള്ള ജ്ഞാനവും ഇസ്ലാമില് പവിത്രമാണ്. ആധുനികമായ അറിവുകള് കൂടി നല്കി കലോചിതരായ പണ്ഡിത വൃന്ദത്തെ വാര്ത്തെടുക്കുന്നതില് ഉത്തരേന്ത്യന് മതകലാലയങ്ങള് ദാറുല് ഹുദായെ മാതൃകയാക്കണമെന്നും സെമിനാര് അഭിപ്രായപ്പെട്ടു. വിദ്യാഭ്യാസം നിര്ബന്ധ ബാധ്യതയാണെന്ന തിരിച്ചറിവോടെ മതകലാലയങ്ങള് പ്രവര്ത്തിക്കുകയാണെങ്കില് ഇസ്ലാമിക നാഗരികതയെ പുനരുജ്ജീവിപ്പിക്കാന് കഴിയുമെന്ന് അധ്യക്ഷം വഹിച്ച പ്രൊഫ. അക്തറുല് വാസി അഭിപ്രായപ്പെട്ടു.
.jpg)
