മുസ്ലിം കേരളത്തിന്റെ ആധികാരിക നേതൃത്വം പാണക്കാട് പി.എം.എസ്.എ പൂക്കോയ തങ്ങളിലൂടെയും വന്ദ്യരായ മര്ഹൂം സയ്യിദ് മുഹമ്മദലി ശിഹാബ് തങ്ങളിലൂടെയും സയ്യിദ് ഹൈദറലി ശിഹാബ് തങ്ങളിലൂടെയും പി.എം.എസ്.എ തങ്ങളുടെ മറ്റ് സന്താന പരമ്പരയിലൂടെയും ആസ്വദിച്ച് അനുഭവിച്ച് സന്തുഷ്ടരായി കഴുയുന്നതിന്റെ വ്യക്തമായ നിദര്ശനമാണ് ആധുനിക മുസ്ലിം കേരളത്തിന്റെ മത-സാമൂഹിക-രാഷ്ട്രീയ-സാമ്പത്തിക വളര്ച്ച.
പാണക്കാട്ടെ സയ്യിദുമാരിലൂടെ കേരള മുസ്ലിംകള് ഐക്യത്തോടെ മുന്നേറുന്നത് കണ്ട് സമുദായ ശത്രുക്കള് തീരുമാനിച്ചുറച്ചതാണ് കാന്തപുരം എ.പി അബൂബക്കര് മുസ്ലിയാരെ സമുദായ നേതാവാക്കുകയെന്നത്. അത് സാക്ഷാല്കരിക്കാന് അനിവാര്യമായ പദ്ധതികള്ക്ക് അവര് കരുതിയ കാല ഗണന പൂര്ത്തിയാവുകയാണ് വരും ചില വര്ഷങ്ങളോടെ.
മത സാമുദായിക രാഷ്ട്രീയ ലക്ഷ്യത്തോടെ പ്രസ്തുത അജണ്ട നടപ്പിലാക്കാന് കാന്തപുരം രംഗത്തിറങ്ങുന്നതാണ് കേരളം കണ്ടത്. അങ്ങനെ 'ലീഗ് വിരുദ്ധ സമസ്ത' ഉണ്ടാക്കുക എന്നതും സമസ്തയെ പിളര്ക്കുക എന്നതുമാണ് ആദ്യം കാന്തപുരം സാധിച്ചെടുത്തത്. ഇനി അദ്ദേഹം ആഗ്രഹിക്കുന്നത് 'സമസ്ത വിരുദ്ധ ലീഗ്' ഉണ്ടാക്കിയെടുത്ത് സമുദായത്തിന്റെ മുഖ്യധാരയെ അസ്ഥിരപ്പെടുത്തുകയെന്നതാണ്. അതിലൂടെ മുസ്ലിം ലീഗിനെ ഭിന്നിപ്പിക്കാനുള്ള തന്റെ ജീവല് പ്രധാന ദൗത്യം നിര്വഹിച്ച് ശത്രുവിന്റെ ലക്ഷ്യം പൂര്ണമാക്കുകയാണ്.
കാലങ്ങളായി കാന്തപുരത്തെ അടുത്തറിഞ്ഞ് അദ്ദേഹത്തില് നിന്ന് 'സഖാഫി' ബിരുദം വാങ്ങിയ ഞങ്ങള്ക്ക് അദ്ദേഹം തന്നെ പഠിപ്പിച്ചു തന്നതാണീ ലക്ഷ്യം. ഈ ലക്ഷ്യം മുസ്ലിം സമുദായം തിരിച്ചറിഞ്ഞ് കാന്തപുരത്തിന്റെ ആട്ടിന് തോലണിഞ്ഞ ചെന്നായിസം നേരിടാന് തയ്യാറാവണമെന്നും ഈ യോഗം ആവശ്യപ്പെടുന്നു.
സമുദായത്തെ അസ്ഥിരപ്പെടുത്താന് ഇറങ്ങിയവര് ആവശ്യമായ ആയുധങ്ങള് നടപ്പാക്കുകയാണിപ്പോള്. അവര്ക്ക് ഭിന്നതക്കുള്ള കൈപ്രയോഗങ്ങളാണാവശ്യം പക്ഷെ, അവരാഗ്രഹിക്കുന്ന ഭിന്നതയുടെ കാരണക്കാരാകാന് നാം ഒരു കാരണവശാലും വഴിയാവരുതെന്ന് മുസ്ലിം ബഹുജനത്തോട് ഈ യോഗം ആവശ്യപ്പെടുന്നു.
.jpg)
